di Cornelio Galas
Elamadona…
Pubblicato da Cornelio Galas su Domenica 6 agosto 2017
– Vist che ventàz domenega matina? Ah paréva che ‘l te portés via neh …
“Cramento no stà dirmelo som ancor drìo che tògo su quest e quel finì de soto … e me digo che ‘l sachét de plastica dove gh’era denter le zavatèle del mare l’è finì da Vignole drìt nel lach”.
– Sì, zamài no gh’è pù le vie de mèz. Dal massa al miga e viceserva, diaolporco, o che ‘l fà calt che te se brùsa ‘l zervèl o che vei zò dal zèl pali de fer che la sera a ‘n golfìm no se ghe dìs de no.
“Ma sì, l’è come te dìsi tì. Le stagióm de mèz …”
– Ma làssa star quele che demò l’è ‘n ricordo de ‘sti ani, no, no … chi è cambià tut quant el mondo. Ma sat che le orchidee de la sposa sul pontesèl le è pu grande de quando l’ho compràe e le sèita a butar? Me digo che prést sule palme de soto maùra i dateri oltra a le banane. E zò al manegio dei Fibie i ha zà ordinà dei camèi: i patìs mem la sé dei cavài, capì come?
“Eh l’è tut colpa – così i dìs – dei gas che se manda da ani su per aria. T’hai bem vist no su l’Adamèl … el giàz l’è nà a farse ciavàr”.
– Ah caro, quando ‘l grandina mi tiro su da ‘n pèz quei tochetìni de giàz e i meto subit en frizer che no se sa mai.
“Ah se la va avanti così bisognerà anca meter dei bazinèi grandi quando piove per l’aqua”
– Sì, ma envidài bem ai sàsi se no ‘l vent ‘l te li porta via…
“Tasi che la me sposa la sèita a dirme de far qualcos en teràza che la è stufa e agra de tirar su vasi de fiori roti, tera dapertut, agegi spacai”.
– Bisogna atrezarse caro. Mi l’è da ‘n pèz che ho enmciodà zò tuti i vasi. Così i gà anca el spurgo se l’aqua la è massa…
“E quando vèi la suta?”
– I stupo co le cìche … varda che l’è meio de tante robe che i vende al briko sat.
“Mah, sarà, tut mal t’hai bem vist no anca i disastri su en Sudtirol, e sì che i todeschi i sà semper cossa far, e i lò fà staifel neh”.
– Ma te l’ho dit, sto temp zamai l’è for de testa. E i dìs che l’è colpa dei venti africani: varda che l’è longa a vegnir da noi da l’Afrca. Se vede propri che zamai da quei posti i vol scapar tuti. E tut mal vinti en pù vinti en mem …
“Sì, no l’è quela so mare, dai. Disente che sti ani la néva meio dai. Che po’ ogni tant me domando quando l’ha scominzià a cambiar el temp. A scola i n’ensegneva che na volta la Busa l’era piena de giàz. E che dopo el giàz el s’è colà e da lì è vegnù fora el Garda e i altri laghi. Me sà che zà alora doveva far tant calt, che ‘n dìsit?”
– Ah, pòl bem darsi sat, i dìs anca quei lezùi che ‘l fum dele fornèle a legna el fà dani ne l’aria. E sàt quant che i stizéva quando chi en Busa gh’era el giàz?
