Sul fòi spiegazà del bar …

di Cornelio Galas

Vàrda, vàrda, anca quel lì …
el savèo mì, e da temp zamài,
che no gh’era da fidarse.

Caro mio, quando te vai su,
l’è bela e comoda la caréga:
basta ciaceràr, ciaceràr bem
e ‘n tànt far i só mistéri.

Cossa vot far tanti programi,
per tuti quei che adès stà sóto,
se magari pò no i te vota pù?
El sàch el và ciapà ‘n zìma …
che a ribaltarlo basta pòch.

E po’, dai, così demò i fà tuti,
sol che ‘na volta … ‘na volta
ste robe no le finiva sul fòi.

Quante bòzze de oio, quante …
n’ho portà su da quei capi,
per farme fàr qualche favor.
La cartolina per el militare …
che ‘l bòcia no ‘l voléva nar.

Sparangole da giustar, laorèti
qualcòs tant per sbisegàr.
Ma sì, l’è semper nada cosìta,
en sto dàmela e tòmela …
ma no, cossa disèt, no, no, no
da noi la mafia? Set ensemenì?