Ghe n’ho tanti
che i me vei, zamai
for da le rècie
fàgo quel che voi
done, case
fum e sbevazàr
Ghè qualcòs
che se pol comprar?
E mi el compro
Ghè qualcos
da metter en tàser?
E mi la voze ghe la togo
Ghè n’ho tanti
che dele volte
no so gnànca
quanti che i è
A ste robe, a sti conti
de solit ghe pensa
quei che pago
propri per quel
L’alter dì
dopo i esami
che avevo fat
a l’ospedal dopo n’eternità
no per dover, per curiosità
vei for che gò en mal
de quei, ma de quei bruti
Ciàmo el dotor
quel bravo en Merica
Dime quant te me toi
per farme guarìr
Ah, el fa questo,
en mez ingles,
me sa che stavolta
propri mal te sei mes
Te dago el dopi
Ghe digo pu volte
Sì, t’hai capì bem
Te dago el dopi
de quel che te voi
e dai, da bravo
che te sei en cauboi
E lu el tase
el scòrla la testa
No serve dollari
l’è na tompesta
Stavolta, caro
El dis per telefono
serve en miracol
e mi tel giuro, tel sai
no som en baro
Scapo de corsa alora
e vago en banca
tirò for tut
anca de zanca
Ciapo l’aereo
vago en srlilanca
zerco i stregoni
quei che guaris
Ma anca quei però
no i vol i soldi
i ha slargà i brazi
prima che moris
