Almèn na volta a l’am
se va a trovarli
ai primi de november
Se pèstola nel gerìm
se porta fiori, lumini
e anca i putelòti
“Vèdit quel lì enzìma
quel che gh’à i bafi nela foto?
L’era me nono,
sarìa vos bisnono”
T’encontri, ma varda ti
zent che no te vedevi
da l’ultima fèra grossa
quela per el sant
de tuta la zità
E ‘l Giovani come stàlo?
Ah, l’è mort st’istà
ades l’è là drio
dove i l’ha sotrà
No, mi no som
per brusar
quel che resta
dei nossi morti
Che te diga, me fa senso
pensar a sta bara mèssa
dentro en fornelòm
E po’ en cièsa, i dis
no i è propri contenti
se te fai la cremaziòm
De spàle me par el Gino
Sì sì, le propri lu
che màgher, pel e ossi
staràlo demò poch bem?
Ma ‘n do vat propri adès
che scominzia la messa?
Varda, te dirò
en sti posti l’è meio vegnir
quando ghè poca zent
e per nar sotto, scusa sat
ma no gò tanta prèssa
