I ha vendù l’ospedal de Arco

di Cornelio Galas

Arco, 2038

-Cramento, no me va la conesióm a Spazial-net, sat quela do milioni de giga che la passa da la stazióm su Marte … che l’è zà vecia demò, perché prest i la fà pu svelta su Venere neh…
“Ah, basta che te vaghi zo en via Capiteli, a Arco, sat propri de front a dove gh’era la Vila dei Crosina”.
-Ma, scolta, lì no gh’elo pu l’ospedal?
“Se vede che te sei stà tant a l’estero. Varda che l’è zamai squasi vint’ani neh, che l’ospedal de Arco no ‘l gh’è pù”.
-Ma dài … e cosa gài fàt al so posto?
“Ah l’è en centro gros de compiuter. El l’ha mès sù el Luca Catoi … te te ricordi no el Luca, quel che aveva fat la dita Grafiti, prima en via S. Caterina, po’ ala Pasina … po’ anca en Meric”.
-Eh madòna, se no me ricordo del Luca. Bravo, fim da bocia. L’era con noi a far el prim giornalim eletronico, “Flash”. Ma se vedeva che ‘l sarìa nà lontàm neh … bravo, studià, lezù, tanta voia de far. Varda che quando i soi i gaveva la pizeria lì a Varóm, el portéva en giro le pize co l’Ape …
“Bèm, sì el Luca l’ha mès su sto gros centro de trasmisióm spaziali, el gavrà lì me digo dozento zoveni che laora. E lì en d’en zac e tac i te desbroia subit da tuti i gazeri del compiuter”.
-Som content per el Luca sat, propri el se lo merita … a parte che anca lù a st’ora no ‘l sarà miga tant pù zoven de noaltri…
“Eh i ani i passa per tuti caro”.
-Ma spiégheme, chisà quanti soldi l’avrà tirà fòra per comprar tut que l’ambaradam de l’ospedal…
“Ma valà. Secondo mi l’ha fat n’afaróm enveze”.
-Eh osc’ia, n’afaróm adés … no stà dirme che i gà regalà tereni e costruziom dai …
“No, no i ghe l’ha regalà, però a sentir i politizi de Trent tut mal i gà guadagnà de pù a serarlo che a tegnirlo avert que l’ospedal”.
-Spiegheme, spiegheme …
“Beh te te ricorderai no che i aveva tirà via el punto nascita, no? E prima anca la chirurgia che nèva oltra l’apendicite e i pònti per i tai …”
-Me ricordo sì, ma el rest el gh’era però.
“Eh ma i ha scominzià en dì a dir che l’ospedal l’era massa grant per quel che ‘l feva, che costéva massa mantegnir mèdizi, enfermièri, ambulanze, quei che guida le ambulanze, laboratori, machine e machinote, mistéri per le lastre, la pneumologia che zà l’era stàda taiada a metà dopo i ani ale Palme, e po’ zà se neva a Roveredo per engessarte bràzi e gambe …”.
-Va bèm, ma prima de sdèlfar dal tut n’ospedal...
“El fàto l’è che i s’è scòrti che tanta zent zamai la nèva direta a Roveredo e a Trent se la gavèva bisogn, capì come? Ensoma no i fèva la coa gnanca pu al pronto socorso …tanto, i diseva, dopo i me manda a Roveredo se la va bem. E alora perché no far na coa sol a Roveredo enveze che farne doe?”
-E la guardia medica? E le cure per i vecioti? E tut el rest? Quei che curèva per el ronzegàr? Quei che fèva nasser i puteloti en d’en tubo de vedro?
“Varda, per no savèr nè lezer nè scriver, te dirò che en me amico che ‘l lavora a Trent ala Asl, el m’ha dit che tuti i dì ‘l sentiva el diretor dir: “Ogni volta che nasce il sole ed entriamo in quell’ospedale di Arco cominciamo a perdere soldi. E siccome ci sono i turni anche di notte … praticamente il debito continua a salire. Meglio chiudere. Almeno risparmiamo sulla luce e sul gas.”
-Robe da no creder …
“Enveze l’è nada propri così. La Provincia dala matina ala sera l’ha portà via tut quel che se podeva portar via. E dopo l’ha mès a l’asta tut quant. La società del Luca par che co na desina de milioni l’abia portà via tut quant”.
-Osc’ia dese milioni … ma set sicur?
“Sì, sì, varda dèse al masimo, ma pol darsi anca de mèm perchè i deve aver tratà su ‘n toch dove far apartamenti”.
-E ‘l Luca cossa ne fàl de tuti quei ambienti?
“Te digo sol na roba: la pista de sora per l’elicotero ‘l la dropa tuti i dì per i so clienti. Soto el parchegio l’è restà gualif a quel de prima. No l’ha miga dovù cambiar tant neh. L’ha tegnù anca el barèt de soto per i so dipendenti”.
-Ma scòlta, adès se uno el se fà mal a Arco, en la Busa ìn do valo?
“Hat vìst quela spianada sul vecio curvòm dela Maza? Lì dove vei fòra la galeria per Lopi?”
-Sì, difati me som domandà perché i gà fat na cròs rossa en mèz.
“Eco, lì dove na volta se portéva la sporcaria adès se porta quei che s’è fat mal. Ma miga zent che basta en ceroto o na garzèta neh … i deve star mal, propri mal.”.
-E dopo?
“I ghe d’à n’ociada soto quei veci capanoni dela diferenziata, sat dove te portévi anca le rame, l’erba taiada? Eco, lì gh’è en par de mèdizi e enfermieri che i te visita e se serve i ciàma l’elicotero. Che lì el gà tut quel che serve, propri de sora … no cambia gnente, en tre minuti i te porta a Trent neh. Capì come?

Questa voce è stata pubblicata in Senza categoria. Contrassegna il permalink.

Lascia un commento