TRA ‘L DRIO E L’ENVANTI

TRA IL DRIO E L’ENVANTI

di Cornelio Galas

Gh’è tante, ma tante, e po’ tante
robe che propri no le sèrve …
Che te le tegni via, nei armàri,
magari anca encellofanàe,
e che col temp, scólteme mi,
no te sai gnanca pù ‘ndove le è.
L’è zamài agègi desmentegài,
quei che demò no se dròpa pù.
L’è robe vecie, enmuciàe lì,
scondùe, anca empolveràe.
Vol dir, diséntela tra noàltri,
che se un el se le porta via,
dai, dai … gnanca te te scòrzi.
Po’ de colp, pòl suzéder neh …
te vei vòia, chisà perché,
de zercar quela roba vecia,
e no te la tróvi pu, ‘cramento.
E alora te vèi el mal de la nòna,
quel mal che no perdóna,
che te pensi demò de pù
a quel che è stà, a quel che …
na volta te gài avù.
No te sài davéra ‘n dove nar,
cossa pensar e gnanca quando.
Massa robe che te porta endrìo,
e no le te fà nar envanti.
Basterìa sol vardàrse ‘ntorno,
per capir che bel che l’è …
viver sol de adèss.