SAORI el brò brusà

No l’è che dovè brusar padele con quel che ghè dentro. No. Disente che en tempi de crisi l’è enveze qualcos de bom, che costa poc. Alora, tolè novanta grami de farina bianca, en bicer de oio del noss, sal, pever e en litro de acqua: fè voi i conti de quel che ne a spender. Scaldè en de na padela de fera l’oio…steghe drio però, che nol fuma anca lù oltre che voi che sarè magari… nadi sul pogiol a farve en zigaret. Alora oio…quando el fritega, zò la fina e sbassè la fiama…entant via de oio de gomet col cuciar de legn…piam piam…che el se rosola bem. Vol dir che el ciapa en color marom scur. No che el brusa…el se ciama brò brusà ma no l’è brusà sul serio…se fa per dir…oooh no so perchè i ghe ciama brò brusà ma nol deve brusar….Bom, entant fe bolir l’acqua col sal (quant che basta…se de solit la roba la ve pias con en chilo de sal gross.,.cavoli vossi) e a quel punto dentro la fina quasi brusada (disente così), En bel frustin e nar de braz …de pu de pu se nò vei forai smargeloti…Pò zo el pever…e l’è pront. Ghè vari modi de farlo, coi bigoi grossi (taiadi l’è meio se no fè meio a far la pasta col ragù), coi fasoi, co altri tipi de pasta. Ma savrè bem voi quel che ve pias no?
Questa voce è stata pubblicata in
Senza categoria. Contrassegna il
permalink.