Ciao Samuelle …

di Cornelio Galas

Samuelle, t’avevo fat i auguri stamatina. Po’ qualcheduni m’ha dit che … t’eri nà via. Ma no per i to mistéri. No, per semper. No ghe credo gnancora, Samuelle, o meio, no voi crederghe. Te n’hai lassà tuti senza parole. Con tante domande en testa. Una pu granda dele altre: perché? E n’altra che la ne resterà dent per semper: avréssen dovù, podù, darte da man? Gh’era qualcos che te ne disévi magari senza parlar? Son nà subit a zercar l’entervista che t’avevo fàt quando te t’eri candidà ale provinzàli … per sentir la to voze, per zercar de capir quel che magari no avévo capì. Ala fin questo me resta de ti però: el ricordo de una che gavéva tanta voia de far, de viver. E alora, alora … me s’engropà la gola. No riesso pù né a dir, né a scriver, né a pensar gnent. Sol a tornar endrio col cine, per scoltarte de nof … Ciao Samuelle, spero che dove te sei adès te gàbi la paze, l’amor che t’hai semper zercà, en sto mondo fàt de massa miserie.