QUELA VOLTA DEL FOCH A ME CASA

di Cornelio Galas

Ah quele sène le me resterà per semper nei òci. Così come no podrò mai desmentegar quei pompieri, co le bombole, en mèz a fiàme e fum, che ala fim i è riusìdi a salvàrme la casa. En sti dì chi, che dapertut no se sente parlar che de fòghi che brùsa, m’è vegnù ‘n mént quela matina del sète dizember del domìlisete …

Lavorévo ancora al giornal. E quel dì lì (per fortuna gh’è da dir) ero de riposo, quel che te gài en dì ala stimana (mèti che l’avès fat n’altro dì …). Co la sposa ero nàr a Arco a far la spesa. Gh’era l’idea de nar dopo a far en giro zo a Riva. Ma po’ (altra bòta de culo) èrem enveze tornai de volta: gh’era ‘n sach de misteri da far en casa. La sposa de sora. Mi de soto, nel giardìm.

El temp de mèterme qualcos che se podés sporcarse a laoràr e, la Franca la me ciàma dala finestra: “Cornelio, me par che ghe sia del fum scur zò vers la fim dela falegnameria …”.

Difati, vardando ‘n sù, vedo subit ‘sta nuvolèta nera che vei fòr da su alt, propri soto el cuèrt. Vago su nel solèr e … sento subit come fritegàr sora la testa, soto le tégole. Fin quando arivo da dove vei fòra ‘l fum. E osc’ia … l’è stà come veder l’inferno da vizim.

Come l’è nada a finir? Ve meto i articoi de giornal e ‘n cine che aveva fat alora el Francisco Calabrese. Dove se vede anca quant i ha tribolà i pompieri (miga sol quei de Arco) per far en modo che ‘l fòch no ‘l tachés anca a me casa. Oh, putei, no ve dirò mai grazie asà per quel che avé fat quela volta.

7 dicembre 2007 – Vignole

Questa voce è stata pubblicata in Senza categoria. Contrassegna il permalink.

Lascia un commento