QUEL CHE NO VEI ZO MAI DAL PIN

El nàs? Quel ‘l lo gh’à semper levà

La boca? Làvri averti, a metà
per no farghe ciapàr massa aria
El stà sule sue, mai sule tue
Dele volte par che ‘l parla per so cont
Se te ghe dìsi: gh’avrìa ‘na rogna
el te risponde, vardando ‘n giro
“Ma no l’è questo el problema”
Te poi anca empizàrghe ‘n fòch
propri soto el cul …
El te dirà: “Oscia, che brut odòr
meio far en po’ de giro d’aria”
El vede sì quel che no va
ma sol se ghe convegn
e tut dev’èsser gualif ala so testa
che sora quela no pol star nesùn
E quando el se trova embroià
quando el dovrìa far en pass endrio
o vegnir zò dal pedestàl
el fa finta de gnent, el tàse
ma sol davanti a ti, por remengo
‘pena te vai for da la so porta
el ciama quel che coi soldi
el l’ha fat deventàr così