L’ASEN E LA VOLP

di Cornelio Galas

Gh’era sto àsen, ligà a ‘n bràz de legn del molìn. El giréva semper ‘n tondo, dassiguàl che se masnéva el formént. E cich e ciòch e cìch e ciòch. Da le bande do tòchi de coràm perché el vardés sol envanti. E cich e ciòch, n’alter giro e n’alter ancora.
For dal bòsch arìva na volp. “Pòr àsen, te me fai propri pecà. Mi no ghe la farìa a viver come ti, en sté brute condizion. Che solfa, che fadìga. Tut el dì a far l’istessa roba”.
L’àsen drizàndo le recie come el podéva: “Chi sèt ti per parlar così de mi? Ne consénte?”
-Son la volp dal pèl color maròn miscià al zàlt. Furbe come mi no gh’è nesùn. Vago dove me par. Magno galine dei polinéri. O quel che me capita de podér zacàr. No son mai stàda ligàda a na cadena come me cosìni i cagni. De not e de dì, dove son nessùni i lo sa.
“Ah ho capì adès chi che te sei – gavéva rispondù alora l’àsen – el parla spés de ti el me paròn. Che propri algéri l’è nà a tòr le cartuce nòve per el so dòdese”
-Ma no i me ciaperà mai. Perché mi son furba, no son miga n’àsen …
“Te sarai anca furba, ma ogni dì te gài quel pensèr lì fiss en testa: quel de trovar qualcòs da magnar. E miga semper po’ t’el trovi. E miga semper, quele come ti, no le capìs che drio a ‘n toch de carne fresca gh’è na trapola coi denti de fer. Te devi scapar, nar che nare, quando te vedi i òmeni massa vizini. E se vei fòra po’ che te gài brute malatie, che te porti en giro la rabia, pensa ti, i ghe dà dei soldi a quei che te ciapa, a quei che te sbara, a quei che te fà fora”
E la volp: – Sì ma vot meter la to tortura, el to strusiar e ‘nveze el me poder viver libera, el me poder scapar?
“Tèi, cara volp, vara che tra ‘n pàr de ore mi avrìa finì. Vegnirà ‘l paron. El me molerà. Ciaperò aqua e da magnar assà. Po’ i me lassa anca polsar per en pezòt, el temp de far òla digestion. E stasera, dopo zena, i me mola nel prà a far quel che voi far. Che vot che te diga, ti fa la volp, fa la precaria. A mi el posto fisso el me pias de pù.