Làgrime de làres

di Cornelio Galas

Da bòcia (ma … anca adès),

me piasèva robàr coi deòti

le lagrime de resina dei làresi.

No, quele dei pézi, propri quele

che vegnìva zò, come pipiarèle,

da quèi scorzi squasi rossi.

L’era tut en tacaizamènt,

difìzile po’ farlo nar via,

senza dropàr l’aqua ràsa.

El saór, subit, en boca …

no ‘l diséva demò gnent,

ma na volta parà zò ‘n gola,

te ‘l sentìvi, ecome, arènt.

Con pastròci, da picinìn,

févo anca  balotìne.

Svoltolévo tut nela man,

fin che tut era gualìf.

Po’ sbregando carta oliata,

preparévo le confezion.

Come fussa tanti bombi:

che content, che figuron.

Ghe i portévo a la me nona,

che per dar sodisfazion

la diséva: “Brào, che bona

brào davera, digo dal bon”.

Ma vedévo mi che dopo

tut finìva nela fornèla,

perché tute ste caraméle

le era meio de ‘n stizon.