CIAO BRUNO, CIAO ENRICO
L’è ‘l tèmp, disgrazià, brùt, odiòs
che ne scàpa da le man
come i amìzi. Che mòre, che va via …
Ogni dì, ogni dì, ogni dì, ‘cramento
El Bruno Salvadori, el scerìfo de Caneve
l’Enrico Rossaro, el poeta de Riva
Te pensi: quando tocheràla a mi?
E te vei ‘n ment la “Porsèa” del Bruno
la banda mata, lu che ‘l dìs nela reclàm:
“Grazie stella … “
Te ricordi l’Enrico, che su ‘na carèga
en quel de Limòn
el ghe dìs a l’asesòr: “Varda, varda
se te tegni dur cosìta … “
L’è òmeni che ha dat tant
e no sol al dialèt trentin
I era òmeni veri: paiàzi?
Ma no te sai gnent …
Sì, i fèva rider, quando i se metèva
Sì, i fèva pensar
quando dopo te tornèvi a cà
El Bruno, l’Enrico, chisà dove i è adès
Vegnirìa voia de dirghe:
“Spetè, spetè n’atimo,
che a far en par de ragi a carte
me piaserìa esserghe
anca mi … “
Questa voce è stata pubblicata in
Senza categoria. Contrassegna il
permalink.
