di Cornelio Galas

Che ciàs ‘sto gerìm soto le scarpe,
par squasi de schizàr gùssi d’òf,
quanta zènt ‘n posti de sòlit zìti
tuti con fiori en mam e boche averte.

Mì che sóm sóto, zamài da ani e ani…
no podo parlar e gnanca vegnìr sóra.
Chì i ha més zò, chi da temp stàgo,
ma ve vedo, ve scolto, come na volta.

Ho capì, miga sol da algiéri, se sa
quei che da vìf te voleva bem dalbòm
quei no i vèi sol na vòlta a l’àm…
ma pù spéss quando no gh’è chi nesùm.

I tira via la gramigna denòr ala tomba,
i cambia i fiori che zamài i è pasìdi,
i bréva col sguazaòrt, se gh’è la sùta
e i sento, pregar, dir qualcòs sotovóze.

Voi no savé dove som finì dopo l’òbit,
v’ho vist, la ciésa l’era tuta piéna…
Po’ i m’ha més zó, zó soto ‘sta tèra,
dove ghe sóm ancora, dove semper sarò.

No sté però vegnirme vizim sol ‘n sti dì,
lassè star le feste dei santi e dei morti,
me piaserìa depù che podésse ricordarme
quando ero vif, me movévo, e ve parlévo.

Quando anca mi, come voi propri ‘n sti dì,
pestolévo quel gerìm dei nòssi zimitèri,
quando anca mi, come avè fàt voi ancòi,
portévo i fiori, e pensévo demò sol a viver.