TE VEDRAI CHE CON MI …

di Cornelio Galas

Che l’era vegnù, ti pensa, a me casa,

a domandar el voto anca dei méi.

El gavéva la so bela parlantina,

come quei che te stormenìs ben,

che i sà dove meter man e pèi.

Oh – el diséva – basta sol ‘n sgrìff

su la scheda che i ve darà.

Po’ ne sentin, ne veden, ah zerto:

na man dà, l’altra la ciaperà.

Te dovevi vederlo sto candidà,

pien de santini, giràr ‘n paés,

e tuti drìo, come mosche al mél,

soratùt nei bar, dove gh’era …

da béver e anca da magnar.

E pache su le spàle, ridùe, butòni:

“Ti sì che te parli ben, ti sì che …

Te sei propri dei nòssi”.

Passà zamai squasi n’an

da quel bói bói dele elezion,

l’encontro, tèi, en piàza,

che ‘l camina co ‘na valizèta.

“Ehila come vala – ghe digo – la me storia?”

-Tut a posto, tut a posto, el me risponde,

ho zà firmà tut, l’è question de dì.

E svelto col passo, el me làssa ‘ndrìo.

Da alora no l’ho pù vist né sentì.

E la me storia? Ho telefonà ‘n Comun:

i m’ha dìt che quela carta, si quela lì

mai l’è stada fata, altro che ‘l sgrìff …

Prest se narà de nof a votar, tut mal,

che ‘l vegna pur a casa a domandar …