Sto viàzo
di Cornelio Galas
No se sa quando l’è scominzià,
e gnanca da dove sem partìdi…
sol ricordi sbiadìdi, sconfusi,
de quando avém tacà a caminar.
Robe de putelòti, foto picoline,
senza colori, e fate anca mal,
Bòci che no è vivi zamài da ani,
altri che ‘nveze no te conós pù.
Par algéri che se zughéva ensèma,
do peàe al balóm, su nela piàza,
scóndi léver, le trote nel Salóm,
e le prime schitaràe giro de sol.
E po’ envanti, su l’istéss sentér,
dale scòle ala nàia, fim ale nòze,
ennamoramenti e brute pache al còr,
fiòi, neói, compleàni, le feste…
En mèz anca zent che rote le bàle,
quei che sarìa meio no aver conossù,
anca sodisfazióm, caréze, pianzùe,
scortelamenti, fìze che è restà lì.
