Spiégheme…

di Cornelio Galas

Spiégheme...

Dìme, dài, ti che te sei pù lezù e studià de mì. Dìme ‘sa che fém chi su sto gran canederlo del mondo. Tra bùse, laghi, mari, montagne che va su de chi, montagne che va su de là. E po’ val, en tra mèz. Tra zent che no parla en modo gualìf. Che no pensa a la stéssa maniera. Tra regole che cambia, osc’ia, magari nel giro de pochi chilometri.

A chi elo che dovréssem darghe da ment? Ai preti che dìs che è tut scrit nela Bibia? A quei che ha capì – i dis – el tài del prà e che tut mal i fà i afari soi? A quei che no crede a gnent, a nesuni. E che i dìs che dopo morti no gh’è pu gnent? Che tut finis chi? Che chì gh’è zà l’inferno, el purgatori e anca el paradìs? Dìme tì, che te hai lèt zamài tuti i libri: ‘n do narénte a finir tuti quanti?

Speranza, fede, carità, amor … no, no, vèi zó dal pìm, dai. Dime dalbom quel che te pensi davera, dopo aver lezù tut quel che i à scrit. Te gài anca ti dei dubi? Massì, dìlo. Che sém en doi… Ah podér, na volta de là, far na ridùa longa de quel che ne stém disendo ades.

Questa voce è stata pubblicata in Senza categoria. Contrassegna il permalink.

Lascia un commento