SEN SOLI … FIN L’ULTIM
di Cornelio Galas
Osc’ia, vàrdeve ben ‘ntorno,
denór, arènt, vizìn …
‘sa gh’è? ‘sa gh’è? ‘sa gh’è?
La to spósa, to marì,
no sta dirme de to suocera,
no sta dirme dei amìzi,
no sta parlar de altri, neh …
Te sèi sol, sol, diaolporco.
En sta val de lagrime,
en sto mondo che, sì… si …
el gà massa pressa.
E che te làssa, semper a pè.
E che ‘n televisiom el và,
el và, el và envanti ,,,
o vàlo – me domando – endrìo?
Quando bègo con tuti e tut?
Me trovo dopo da sol.
Quando gò n’idea strana?
La digo, i altri i me varda mal,
po’ me trovo sol con quei
che m’ha dàt resón os’cia,
pecà che i era ala fin pochi.
Me trovo da sol anca … anca
a far l’amor diaolporco.
Meio sol, al cèsso …
che mal compagnai, cramento.
E po’, el so, che ala fin, zamài,
morirò da sol … en ‘n del lèt
de ospedàl.
E da sol i me meterà zó, zó …
En par de gèti de aqua santa,
qualche sangiót.
Ma lassé star le corone de fiori,
che tanto prima o dopo
le passìs, i le porta via.
E po’ sol ero prima, sol son adès.
Dai, dai, né via ‘n prèssa,
che no m’è mai piasù ‘l casìn.
Che son abituà a star, a star …
per me cont.
