SEMPER EN VIAZ

di Cornelio Galas

Vàgo de chi e de là, ‘n sto mondo,

e sbàto contro spìgoi, che no vedo,

zucàe, stormenimènti, sgrìsoi,

robe che pòl lasàrte dei bruti segni,

Se ciàva, me digo, se ciàva …

e  ‘l dì dopo l’è la stessa storia;

pareàne che te vei ‘n dòs, su la testa,

zent che te disi … no, no l’avrìa mai dìt,

el destìn, sì dai, l’era demò destìn che …

sta vita, sì dai che zamài l’è cosìta, per tuti.

Te vei ‘n dòs de tut, che pu brut no se pòl,

e ai altri, ai pu bastardi, ‘nvèze ah?

Te suzède qualcòs che no dovèva …

E perché, oscia, no ‘l ghe capita a quei …

Quando tut finìs, quando na vita finìs,

i pianze tuti, i è tuti col capèl ‘n màn.

Quando ‘riva la mòrt, e ‘l rest va via,

manca qualcòs, de quel che no gh’è pù,

per qualche dì, qualche mès, qualche an.

Po’ tut torna come prima, ‘n sta val …

dove se ride, se pianze, se fa festa.

Po’ và a finìr come gnent fùs capità,

tra novi amori, nove ridùe, vecie pianzùe.

Quel che gh’era e adès no gh’è pù,

‘l deventa lontan, semper pu lontan.

La vedova la trova qualchedùn altri,

i amìzi? I fa, pian pian, quel che i fèva prima.

Fin al prossìm òbit, a quel che capiterà.

Scoltando le campane che sòna da mort,

scoltando quele che sòna a festa,

vardando putelòti che va, en bìna,

vers la Prima Comuniom, la Cresima,

o quel spòs che spèta coi fiori ‘n man

la sposa che dovrìa ‘rivar … tra pòch

e che tra pochi ani no (ma ‘l lo savrà tardi)

no, no l’averìa mai volù ‘ncontràr