SCRIVETE A DANIZA, L’ORSA…

NO STE’ PU PARLAR DE MI, DESMENTEGHEME…

(per scrivere a Daniza: www.trentinissimo.it – mail: sarchiaphone2014@gmail.com)

Basta, basta, basta oscia mèterme en prima pagina sul foi. Par che sia una che ha fat chisà quali gazèri. Oh, provè a ‘nmaginàr se la ve suzedès a voi. Vei un che vol far foto ai fioi…ghe disè de no. Ve gira n’atimìn i zebedei. E el dì dopo ve trovè su tuti i giornai e le television. Ensoma, pasè voi dala banda del tort. Va bèm, entant grazie a tuti quei che m’ha scrit a Trentinissimo. Son ciapàda. No podo risponderghe a tuti. Tèi, chi i me zerca. No se pol encantarse n’atimo. Còrer bisogna. Sconderse. Nar che nare. Co sto colarìm che se podès cavarme via… Ah, m’ha scrìt anca zent encazàda. Con mi. Con quei che mete su le me letere. Per cossa? Perch+ i dis che ghe saria ben altre question pu serie de quele de n’orsa che gira nei vossi boschi… Che ve diga. El so anca mi. Ve capisso. Ma no l’è colpa mia, giuro, se me trovo ‘n sta situaziom de merda. Ve ‘l ridigo: se me lassève dove ero no ghe saria stà tuti sti casini. Uno l’ha scrit che anca en Slovenia, da dove vegno, da dove i m’ha portà, i orsi i li copa. Sì vecio, l’è vera, ma no i ghe mete però i colarini…e zercheme alora se te sei bon. N’altro l’ha scrit che mi avria firmà en contrat per far la reclam al Trentin. No me risulta. Entant perché no ho vist en zentesim che sia en zentesim. Po’ perché per el magnar el bever e tirar su me fioi…no ciapo gnanca i alimenti da quel che m’ha messa sui zochi. E adès anca en ministro el dìs che i deve ciaparme e serarme via. No coparme (ah grazie neh, massa bon…) però serarme via. Ma digo: quando m’avè portà via da me cà cossa penseve che fussa, en cagn pu grant del solit che basta molarlo nel bosch e che ‘l se rangia? No volève far tornar i orsi en Trentin? Eco, adès i orsi i ghè….Massa? Dène i guldoni, i preservativi ensoma. Perché tra l’alter che fente adès coi boci? I mandènte a studiar da zent foresta? Tant valeva che i fus nati e cresùi en Slovenia, da le nosse bande no?