SAORI: ‘na bela fortaiòna

En font basta na desina de ovi. Tachéghe’n altri zinque che no se sa mai… po dipende da quante boche varda el stess tavol parecià.

En filet de oio (no buro ‘cramento), oio del noss. Che te spalmi coi dedoti… sì, ghe vol propri el contato co ste robe de la tera… te spalmi bem fin sui bordi alti del padelom. Te sbati tuti i ovi a parte… bem… ciara e ross.. .ensema… zo péver, zo sal quant che basta … la solita fortaia?

No, perchè chi scominzia el bel… entant che sta roba zalda la scominzia a far le bole… che le salta su….trac en colp de piròm… trac n’altro… che tut se separa come el mar rosso de la Bibia… ma piam piam el torna come prima. Eco, è arivà el moment de na spolverada de orighem, zigole taiade fine fine, do tre tocheti semper fini de ài… en bel quercio sora…. op se volta tut… e quando ve par ora… via col prezemolim fresch… anca do foiete de basilico no le bèga… pronta la fortàia.

Che se n’avè fat masaa, se non a tuti la ghe piaseva… taiè dele strisciote…. e lè fè en brodo domam… se sa.

Questa voce è stata pubblicata in Senza categoria. Contrassegna il permalink.

Lascia un commento