GROSTE DE POLENTA

Ah, la scominzièva

prima de mezdì

la festa

Perchè i tòchi de cunèl

i era en padela

zà dopo colaziom

E drio mam

(no ghera quela

pronta, zac e tac

de ades)

se tacheva sora la fornèla

(Cornelio, va zò

a tòrme do stèle)

el paròl de la polenta

De colp, en tuta la cà

te sentivi sti dò profumi

Quel del cunel

che ‘l rosoleva col so spìch,

la salvia e bàche de zinever

Quel de la farina

Zalda, da misciar

(svelto che se no

se fà i petolòti)

Te magnèvi col nàs

prima che cola boca

Finì la carne: via col pòcio

e se vanzèva polenta

ma finìva el rèst

gh’era semper

el formai gratà

da mèterghe sora

come fussa zucher a velo

Ma la storia no la finiva lì

El parol el finiva sul pontesèl

se spetèva che se sechès tut

E po via, de nare, svèlti demò

la gara coi cortèi

a ciapar quele groste salàe

che le te fèva nar for da mat

come adès le patatine