Esser davéra

di Cornelio Galas

No come quei che no porta la véra
e dìs che no i è mai stai sposài,
perché que l’anèl le scondù
nel cassét del comodìn.
No come quei che va en ciésa
e po’, a cà, i deventa diàoi.
No come quel che se buta ‘n politica,
per far nar meio i so afari.
No a quei che dìs bìsi per fave
e che ale tante no i se ricorda
de tute le bosìe somenàde.
Esser davéra l’è ‘n grant casìn,
en d’en mondo bosiàdro e stròf.
Anca le done le gavrìa bisogn
de dó bale ‘n tra le gambe.
Per no parlar, ma i lo dìs tuti
d’en fil de la schena sù bel drìt.
L’è pù fàzil ciapàr i scórtoi
che nar drìo ai sentéri …
quei che te fà strussiàr,
quei che oh dio me stòfego.
I dìs che de là, quei che ha robà,
copà, tot per giro la zent,
i patirà tute le pene.
Che i bruserà come pézi,
come dàse piene de resina
tràte sul fòch …
Ah spererìa che la finìs così,
che no vegna fòra po’,
e saria propri ‘n culada,
che i pu svelti e tramazòni
i stormenìs anca san pèro,
co le so ciacole da rufiani,
coi so dinòci, zò per tera.
O sol perchè, quando i robéva
qualcos i ha butà zò
nel sachét de la limòsina.
Ah, alora, caro mio
no resterìa che nar dal diàol
e dirghe: “Vara, son pentito,
vago via anca mi, anca mi
da que l’altro partito”.