EPIFANIA CHE TUTE LE FESTE  LA SE PORTA VIA

l-epifania-tutte-le-feste-si-porta-via

L’è come quando se cambia an. La not de San Silvèster sbevazzamenti, trombete, trenini e ‘sàch de monae. El prim de l’am (poche ore dopo neh) mal de stomech, oci che bàla, no te prego el spumante vanzà e ‘l panetòm zamai sech no, se no  buto su. La not leoni, la matina coioni. L’è finìa la pachia. I cin cin. Da doman se torna a laoràr. I boci i torna a scola (oscia ma propri adès che gh’è juve-inter te vei  ‘n ment che dovevo darte na man a finir el disegno?), e sul tàol gh’è za pronti i boletini da pagar a la posta. Ma no disevei che saria calà le tasse? Meno male … E sta chi? Coss’ela?  Na multa sul Bondòm? Ma se sarà almen tre ani che no vago sul Bondom… Ah l’è sta el bocia co la me machina … ah alora… ah se se la pagheva prima se sparmieva … ah alora ….en do elo adès el bocia? E en do elo quel baston gross che ho portà dal bosch st’autun?

Empizèm el microfono en mez ala zent che va via dai mercatini de Nadal entant che i smonta le casòte.

Ma secondo ti che diferenza gh’è tra soldi e saldi? “Dirìa ‘na vocale” – Ah … “Sì, propri quela”.

Scolta, ma perché deve tocarme semper a mi de desfàr l’alber de Nadal e anca el presepi?

Mi te l’avevo anca dit: dai che fen la stimana bianca dopo la Befana che la costa de men … e no gh’è put ut quel  casin.

Ma cossa faressit con i zinque milioni de la loteria?  Te diria: “amore, vago n’atimin de soto a tor i zigareti”

Zerto che zenèr l’è lonch come el prà de la fam… Eh sì, ma febrèr l’è pu cort. E po’ vei subit Carneval dai. Come la stimana: zobia vegnua stimana perdua. Subit dopo febrèr vei marz. Ma Pasqua st’am ela alta o bassa? Oscia, ma sat che la vei anca st’an de dominica?

Sat che sul pontesel gh’è ancora la padela co la faraona vanzada da san stefen? Sarala ancora bona?

Però, digo, quei che abita soto de noi: semper lì a pianzer marenda. E i gh’à ancora da tornar de volta da l’Africa … tei, no i avrà miga ciapà  l’ebola?  Miga farli vegnir denter da noi neh …

Gh’ò fat i auguri de la Befana a la me sposa. Vard chi el segn del cuciàr che la m’ha tirà… ma se pol?

Tei, ‘sa fate l prossim ultim de l’an? “Oscia, te te tiri ‘nvanti” – No, volevo sol ricordarte che el vegliom de st’an l’ho pagà mi …

Oh, no voi sentir scuse, dominica tuti a casa mia che fen el VANZAROT’S DAY. Basta che portèghe da bever.

Questa voce è stata pubblicata in Senza categoria. Contrassegna il permalink.

Lascia un commento