El dì dei morti

El dì dei morti

di Cornelio Galas

De sto temp se ghe porta i fiori
coi lumini che va cola so baterìa
en foto i è vestìdi tuti da siori
quele erbàze le spèta n’anima pìa.

 

Varda bem, no te par che to nono
el somiglia tant a to neó Andrea?
El gà l’istéss modo de darse tòno
‘l par propri scaià da quela préa.

 

Spèteme chi, è pasà me zia Iole
giust da l’am pasà no la vedevo
la gà semper el vestì co le bòle
no la sta bem, l’è del medioevo.

 

Ciao Elda, semper chi se se trova
e meno male che no sem méssi soto
s’è ancora vivi, o forsi en prova
per veder quant restem sula moto.

 

Ma come stàt ti, dopo l’operazióm?
Gàt ancor le stornìse se te camini?
Massì dai la va, anca se non benóm
piam piam me tiro su dai me casini.

 

Varda la facia de la pòra bisnona
par che la me parla come a so temp
“Mi som stada semper zita e bòna…
ma tegnìve quei fiori pagai gnènt”.

 

Denór al zest de le ghirlande vecie
gh’è um che sgàrbia, no se sa cosa
“Che fàlo sior, el tegna su le recie
robàr no l’è bel soratut a la fòsa”.

 

“Tasi che giust for per l’istà pasàda
i m’à portà via na statuéta de Gesù
‘l l’aveva fata, ma che bela pensàda
me neó a l’asilo e pò chi l’era vegnù”.

 

Ah cara mia, no gh’è educazióm
l’è zà tant che no i roba anca ‘l rest
con quel che ades costa tut dalbòm
te risc’i de no trovar gnanca en zést.

 

Bom dài, senti che che l’è frescolìm
meio nar al calt se no te voi malarte
Varda che no gh’è semper l’anzolìm
che vei po’ zò dal zél sol per salvarte.

 

Te ricordit ‘sa se féva propri sto dì
quando la méssa del prete l’era finìa?
A casa, a scartozàr maroni, tuti unidi
po’ ‘l so brulé e a carte far na partìa.

Questa voce è stata pubblicata in Senza categoria. Contrassegna il permalink.

Lascia un commento