COPARSE

di Cornelio Galas

En cont l’è pensarlo, masnàrlo

‘sto pensér for de testa,

quel che l’è l’ultim, demò:

n’altro l’è fàrlo, dal bon.

Perché, dopo ani passài

magari strussiando …

propri sul pu bel, se se copa?

Cossa arìva, de colp, al zervèl,

che ‘l podrìa, se ‘l voléssa …

anca no darte da ment?

No basta le letere lassàe

piene de sudor sul comodin.

No basta quei che, dopo,

forsi ‘l s’era entagniàda.

Ghe vol qualcos de gròss,

pu gròss de na vita entrega,

per dirse che è vegnù l’ora,

de … de farla finìa.

No l’è da tuti en pàss del genere,

no l’è da tuti pensarla così.

Resta, en quei che vive ancora,

‘n magón, qualcos che ‘n grópa.

Ma nessuni che pol capir,

quel che ‘n quei pochi minuti,

ha pensà, quel che s’è copà.

Far finta de gnent? Cuertàr tut?

Star zìti, no dirlo ‘n giro?

Gh’è quei che more, propri così,

e no i gà na riga sul giornal.

Vol dir che no i gavéva

la stessa emportanza?

Gh’è quei che volerìa farlo,

ma no i gà la forza.

E po’ la Cièsa che te lo dis:

“No, no te poi …”.

Me piaserìa tant, ma tant,

che ognun fussa propri liber

de decider de morir

quando no ‘l ghe la fà pù.

Senza tanti che magari dopo

i gh’entàca robe che no z’entra.

Così come nessuni se permete

de dir qualcòs de pu

quando te vegni al mondo,

a parte quei oci e quele recie

che ghe somilia al nono dela mare.

Sen chì, tuti quanti, cramento,

su sto balòn del mondo …

te tèi tacà ala tera sol la gravità.

Se uno el vol sgolàr, pu lontan,

e prima de tuti i altri …

ma làsselo nar, per piazer.

Te verài che prima o dopo,

tuti lì ne troveren …