Mi, se fùssa Dio …
di Cornelio Galas
Mi, se fùssa Dio …
Sarìa forsi ‘n Dio pu catìf de come
‘l lo cantèva el pòr Gaber,
ah, se propri mi fussa Dio
entànt no darìa segnài, gnànca un
de quel che gh’ò ‘n ment de fàr.
La me cativéria, le me puniziòn,
le ‘riverìa de colp, come en sfrizòn,
come ‘n fulmine che brùsa tut,
senza che prima ghe sia stà ‘l tòn.
Mi, se fùssa Dio …
ciaperìa subit da na bànda
quei che roba soratùt ala pòra zent,
e i meterìa en de na gabia, serài via
senza magnàr, senza bevèr …
entànt che ‘ntorno ghe n’è tanti
che s’engòsa de tut quel che de bon
se pòl zacàr e butàr zo nel ‘stomech;
e ala fin, avèrt la porta de quel suplìzi,
a sti chi darìa sol en grant cont da pagar:
quel che i ha lassà i altri ala cassa.
Mi, se fussa Dio …
a quei che adès taia le gole ai cristiani
ghe farìa vedèr sì, novanta vèrzini nude,
ma prima de molàrli, d’acòrdi con Maomèto,
ghe taierìa via a tuti ‘l pìndòl col manaròt.
Mi, se fùssa Dio …
farìa na bela gita, co na coriéra granda
anzi con dese, zento, mili coriére
se no i dovéssa stàrghe su tuti …
perché ghe meterìa su quei politizi
che parla en de na maniera e fa ‘n de n’altra.
E ste coriére, piene de politìzi bosiàdri,
con su scrit bel grant “Sen noi che v’ha ciavà”,
le farìa nàr avanti e ‘n drio, coi finestrini avèrti
en mez a quei che i restai senza laoro,
senza casa, senza soldi e anca senza sposa.
Mi se fùssa Dio …
no meterìa en preson i òmeni che copa le done,
perché se sa che lì denter po’ i ghe fa ‘l cul,
e magari podrìa piaserghe anca …
no, bisogn esser giusti, anche con lòri;
e alòra vedrìa ben, per sta gran bèla mànega
na tònca la matina prest, a mezdì e ala sera
en de na gran pisìna de acqua col mèl.
Disè che no sarìa propri en brùt castigo?
Speté a vederli quando che i vèi fòra
e ghe butèn ‘ndòs miàri de formighe ròsse,
af, vèspe e altre bestie famàe de zucher.
Mi se fussa Dio …
quei preti che i dìs che me vol tant ben
e che dopo i fa sporcarie coi putelòti,
I ligherìa senza farghe gnanca ‘n sgrìf
a na cros come quela dropada per me fiòl.
E ‘n torno la merda, tanta merda fin a livèl
con ruganti che se svoltola e i varda ‘n su
co la bava ala boca entant che le corde
che tei su bràzi e pèi e tute ‘l rest
pian pian, na no subit, le se mola …
Mi se fussa Dio …
dopo tut sto gran laoràr co la bruta zent
sarìa de zert anca demò ‘n po’ strach.
E alora magari podrìa anca nar via
da sta vòssa balòta che gira entorno al sòl.
Sì, podria anca avérgh’en ‘n gòso
molàr baìla e pìcon, come dìs quei zamai stufi
E dirghe ai mèi, quei che sta su en Paradìs:
“Ma che i se ciàva quei la zò. Scoltème mi,
lassèntei perder, tanto no vei for gnent,
al pù ghe penserà quel bravo papa argentin.
LA CANZONE DI GABER, VERSIONE INTEGRALE
