GH’ERA NA VOLTA …

di Cornelio Galas

E la nòna la tachéva via, piam piam,
co na vóze che gò ancora nele recie,
a contarte quele storie che …
t’avréssi volù scoltar tuta la nòt.

Dele volte la se ferméva, de colp,
la vardéva se t’avevi serà i òci,
se nel ciucio no gh’era pù lat …
ma mi me svoltolévo ancora.

E alora envanti con quela storia …
envanti, che l’era èla a ‘ndromenzàrse,
che l’era èla che la pozéva la testa
sul me cosinòt, sóra el me linzòl.

Pòra dona, a pensarghe adés …
che la ghe féva anca le nòt
a quei malài a l’ospedal …
a quei che stéva zamài per morir.

Ogni tant ghe penso a mé nona,
chisà se adés la pòl dormir,
star en paze, senza penséri,
senza boci come mi da guernàr.