ADES SON SOL ZENDRO

(a Fulvio Cantone)

di Cornelio Galas

Dìme ti, ani e ani, a sbegotàr

co la balanza  … chili de massa.

Per po’ trovàrse ‘n d’en candolòt:

pòca zéndro, gnanca ‘n chilo,

ah dirìa, anzi, qualcòs de men.

Ghe stàgo denter, anca larch,

se te sófi … me sperdo nel vent.

Quand’ero zóven, alora sì,

alt, slancià, e dòne entorno.

Che la févo, benon, la me figura.

Po’ vardè, come se deve finìr …

pólver, pólver … sol pólver.

El rest l’era sol aqua, en de pù,

el rest l’era tanti penséri …

come se se podés viver semper.

Ma no sté pianzer, ve prego,

prima o dopo, la tocherà a tuti.

Se volé, ve tegno el posto

‘n do che son finì propri ades.

El sò, ve manco, e no crederè

mai a na voze che no sentì ben.

Prové alora a pensar, n’atimin,

che senso gavrìa tuta sta vita,

se la duréss n’eternità, su sta tera.

Veci bacuchi, che se caga adòss,

che te stormenìss coi so ricordi.

La pèl piena de rughe, sdentai,

zervèi che zamai no ragiona pu.

Meio esser zendro, el gnent.

Meio no farse magnar dai bissàti.

Meio vardar, da dove no podo dirvel,

quei che pensa che sia sol mort,

come quei che more tuti i dì.

E pensar, tra de mi, en quel moment,

che forsi anca mi, al vòs posto,

penserìa en modo gualif.

No sté pianzer, vardéve entorno.

E fé del ben, fin quando podè.