Va tut bem

di Dino Calvanelli

Me vei ancora

‘n ment come fus ieri,

quela bruta matina,

che ho pasà sul coridor

de l’ospedal,

sentà su na carega

sgangherada.

Ensema a altri “poreti”

come mi,

spetevo de nar dènt

dal dotor,

co la speranza, de sentir

qualcos de bom.

Dir che ero ‘n pó ‘n penser,

l’è forsi poch.

Ero rivà lì ‘n pó masa prest,

come fago mi de solit,

quan che me vei l’agitaziom.

No gavevo altro che temp.

Temp per pensar.

Pensar, a come la avria podest

cambiar en presa la me vita,

se el dotor, el me aves dit:

” brute notizie” !

En quei momenti li,

te pasa davanti tuti i ani endrio 

‘n tel temp che dura el lamp

de ‘n temporal !

E de colp, l’è come no contes pu gnent .

Te senti propri de eser ti sol,

ti sol sulserio.

E mi, ero propri  mi sol, 

mi sol sulserio.

Po  te ciapa anca na roba dènt,

en smisciament de stomech,

che no te vedi l’ora che finisa

tut .

No te enteresa ‘n che maniera,

ma te voi che finisa tut ‘n presa.

Me vei en ment

che quan che i me ha ciamà,

tocheva mi,

me som sentì come na bestia 

che è drio a nar al mazel.

E quan che ho fat per averzer 

la porta, me som dit tra mi e mi :

” toi vecio, ades ghe sem “,

e la paura la era propri tanta

e qualche lagrima

la era za vegnuda zo a farme compagnia.

Quan che som vignù fora

però,

el coridor de l’ospedal 

l’era deventà en pra vert, piem 

piem de fiori de tuti o colori,

 e sentivo i oseleti che canteva.

Quel “va tut bem “,

no podró desmentegarmel pu.

I me aveva dat de volta

la me vita, en tre parole sol.

L’è per quel che da alora,

quan che i me domanda :

” ma ti, set uno che de solit 

vede el bicer mez piem o mez vot ?”,

giust per curiosar su come te

vedi ti la vita,

mi ghe rispondo semper 

che per mi, da quel dí li,

el  bicer  el va de sicur 

 “for sora “.

Va tut bem !