ULTIME RECLAM ELETORALI

di Cornelio Galas

Reclàm del SAC per le elezióm de doménega quatro màrz

ScusĂ© se n’è vegnĂą en ment de far reclĂ m a l’ultim moment. Ma tanto i “nòssi” no i strangossa de zert de corer. Anzi, propri no i ghe pensa, domenega, a nar a votar. Propri per farne vinzer. Del rest i sondagi i ne dĂ  da ‘n pèz sora el trenta per zento. Forsi anca de pu.

Noi sem quei del SAC (Stè a cĂ ) ensoma quei che domenega, anca ghe fus en sol che còse le prĂ©e, i starĂ  a casa, a magnar, bever, vardar la televisiom (ma sol cine o documentari, no quei che parla dele eleziom, se sa). A noi la politica no la n’enteresa. Difati no sem en partito, en movimento, anca se na specie de colaziom (o se scrive coaliziom?) con altri, al bar, l’avem fata: per esempi col BEN (bianche e nulle? Sì, ma anca bianchi e nosèle de l’aperitivo) e col NGNV (No ghe n’ho voia) e anca col NTLC (No trovo le carte) e col TNSAG (tanto no serve a gnent).

Se ne dĂ© da ment luni matina sarĂ©m de zert el prim partito e tanti de quei che è stĂ  votĂ  i dirĂ : “Bisogna far i conti con quei che no è nĂ  a votar, qualcos volerĂ  pur dir se no i è nai a votar…”.

Noi no prometem da ani gnent. Propri per no dover mantegnìr po’ ste promese. Noi no fĂ©m gnent così no sbagliĂ©m mai. E sparmiĂ©m le encazadure perchĂ© tanto noi sarem sempre tanti e podrem dir dopo le eleziom: “Eco, no è cambiĂ  gnent, vist che gavevem resom a no nar a votar?”

E no fasendo gnent ne sentim co la cosiènza nèta, a posto. El so: dirè che l’è fazile far cosita, star for dai tovi, no sporcarse le mam co la matita ne la gabina. No l’è vera, perchĂ© bisogna esser convinti de no votar, o de votar la scheda senza averla gnanca sgrifada o con su scrit robe che no fa vinzer nesum. Ve ricorderĂ© no quel che nela scheda el gaveva mes na feta de salam e scrit: “Avè magna for tut en Italia, magnĂ© anca questa valà”. Ghe se vol inteligenza per far na roba del genere…

Po’ metè la sodisfaziom, dopo le eleziom, de nar en giro e dir: vist che tira, buta e mola sem messi mal come prima se non de pu? Meno male che quel dì som nĂ  a magnar el spiedo a Tremosine valĂ . Ah mi no ghe c’entro neh con quei che ades i ha mes su a Roma.

E ancora: vist che l’è tut en magna magna? Voi veder se quei lì quando i è a Roma i vei ancora a trovarve, a domandarve el voto, a prometerve che i farĂ  quest e quel…

Che dai, gireghe pur entorno, ala fim basteria sol en bom ragionier zo lĂ . El varda come la Merkel la gĂ  dit de far tornar i conti, el ciapa la calcolatrice e vei fora quant che dovem pagar. De pu. No de mem. El rest? MonĂ©a…

ReclĂ m del VAV (va a votar)

Ho lèt quel che i dis quei del SAC. E capìso ades che zerta zent, anca se l’ha fat le scole alte, la dovrìa ripasar la storia. Gh’è stĂ  tanti che è mort per darne la posibilitĂ  de nar a votar, gavĂ©m na costituziom che forsi l’è la pu bela del mondo che la ne dĂ  sta forza per cambiar le robe. Massa comot ciamarse fora, per po’ dir che no cambia gnent.

Nar po’ a votar per meter zo la scheda piena de sgrifi o come i te l’ha data l’è come torse la briga de ciapar el carèl del supermercĂ , nar denter, girar dapertut e vegnir fora senza aver comprĂ  gnent: oh, l’era meio perder temp en de n’altra maniera. No capìso po’ sta voia de vardar, dopo, come la va a finir. Propri come quei che stĂ  lì, sentai al bar, a vardar zent che bega, che se le dĂ , senza far gnent.

Sol per veder cosa suzede ala fim. Come se fussa en cine. Che te smorzi se no te pias. Ah voleria veder se el nof governo, quel che sta zent no l’ha votĂ , l’aumenta le tasse, la benzina, i zigareti, la sgnapa, i zoghi co le machinete…tit quel che se dropa de pĂą. Volerìa veder se i aumentĂ©s ancora i ani per nar en pensiom, quel che se paga en farmacia e a l’ospedal. E magari la metĂ©s tasse del sesanta per zento sula casa a quei che ghe n’ha pu de una.

Pu de tut però me piaseria veder se de colp i toles via la posibilità de votar. E i metés su en general a comandar a bacheta tuti quanti. En general che disés: “Anca se no né a votar mi comando, sol mi: e far zito neh”.

Questa voce è stata pubblicata in Senza categoria. Contrassegna il permalink.

Lascia un commento