DARSE NA MAN

di Cornelio Galas

Ah, meio pensarlo che farlo,
pù fàzile dirlo che dopo …
Dopo la seconda guera,
anca ‘n Trentin, da noi,
l’èra stà i preti, sol lòri,
a méter su le coperative.
Po’ se sa che fin ha fat
le casse rurali … banche,
squasi come tute le banche.
E alora, adés, le deve tacàrse,
méterse ensèma, ensoma.
Ma ghè altre robe cambiàde,
e no sol da quei ani scuri.
Pensa ti che ghè dela zènt,
che abita nele case grande,
e no conos nesuni, de quei
che sta de sora o de soto.
Così pol suzéder, robe da mat,
che un el mòre, nel so lèt,
e lì el stà fin che ‘l spuza.
Sol dopo i s’acorze, dime ti,
che l’è mort quel biondìn …
En piàzza se se saluda, ciao, ciao,
bondì, ah ciao, come vala?
Dopo gringrim e gringom,
se séra la ciàve de la cà.
Empìza la television, dai,
che vedem cosa suzéde …
en sto Trentin pièm de miserie.
Ah, se sa, l’è colpa dei altri,
l’è semper colpa dei altri,
se no i capìs come che stém.