ZAMAI L’E’ PASQUA

ZAMAI L’E’ PASQUA

di Cornelio Galas

T’el vèdi, propri dal bòn, t’el vèdi,
che zamài qualcòs no ‘l và;
che sì, propri quando se dìs
per dàr demò fià ala boca,
no gh’è le stagiòm entramèz …
e ti no so, ma mi som stragnà.

Basta do passi denòr ale campagne,
che – ma dài – sénte zà soto Pasqua?
Vigne che seboìss, che volerìa butàr,
anca se st’am no le ha ciapà néf.
Olivi che spèta zidiosi ‘pu sòl,
per meterse i so bèi rezìni d’arzènt.

En sto dàmela-tòmela dele piante,
con violéte che fà le gatìzole,
l’è squasi ‘n pecà parlar, scriver …
per no sfantàr tuta sta belèza,
per no godérse (fin che se pòl)
de sti colori che canta e sóna.

Vei ‘n mént quando, ani endrìo,
se ‘rivéva a cà coi dinòci verdi,
a forza de sbrissìar per tèra
per ‘n balòm ciapà a pezàe
giust lazó – sì, vàrda dove te segno –
en quel prà che ciucia ancor grassa.

Ne l’aria se sente anca l’odor bòm
de quele erbe che tut mal crésse:
denti de cagn, la camozzìna, la zopina,
quela dale balòtole e dale grùse,
la fragolina, el pam porzìn …
la petolàra, la sbusa e la stranudèra.

L’aqua del Salóm la và desiguàl,
ala Sarca, come la è sempre nada …
E cosìta vago anca mi, piam, piam,
anca se vorìa tant strucàr tut,
per no farlo nar via en préssa
come sto sofiòm ‘péna sofià.