‘N SELFI COL DIAOL

Oscia, no l’è che sia tant difìzile.
Basta che te ciàpi ‘l telefonìn
e te vaghi ‘n giro …
Eco, eco, eco’l lì … ‘l diaòl
el vegna, el vegna, ‘na foto?
El diàol: “Per cossa falso cristian ?”
Ma per meterla su Fèsbuch, se sa.
“Ah no, no, làsseme star, valà”.
– Ma dai, ‘cramento, l’è n’àtimo …
“No, no no me fido de ste robe …”.
– Diaolporco, ah scusa, scusa …
volèvo dir, dai, l’è ‘na foto po’ …
“Ma spiègheme meio, perchè,
per come, quando e ‘l rèst …
‘sa t’en fàt de ‘na foto col diaòl?”
– Vot mèter? Mi e ‘l diàol …
nela stèssa foto, oh … oh …
“Scolta, ma alora te devi pagarme
qualcòs … per el disturbo, se sa”
– Dime, dime …
“Basterìa la to anima, poca roba
se no te credi d’averghela”.
– L’anima? Ma gh’èla po’ st’anima?
Se te te contenti de quela …
dai che adès fen el selfi.
“Moment, che la ghe sia o no
la to anima adès l’è mia.
Vol dir che quando te mori
te vegni zò a l’inferno …”
– Dai valà, fente ‘sta foto
che se moro ghe penserà altri,
entant vago su Internet,
e me ciapo milioni de me piàs.
“Ah, te ragioni cosita? Bom,
fente pur sta foto ensema,
ma dopo, caro, no stà pu pregar
nè ciamàr la mama …
quando te te troverài ala fin:
te sei zamai dei nossi: scolta,
te piàsela la grigliada?”