SE EL FOCH L’E’ DENTER

di Cornelio Galas

No gh’è gnent da far, propri gnent,

no l’è come el sbrusor de stomech

che te basta na pastigliota.

Se te ciapa foch quel che te gai

denter, propri denter de tì

e miga sol nel to zervel

ah, no ghe madone che tegna,

te sei fregà, zamai nà, caro mio

e per smorzarlo, no te servirà demò

ciamàr, agità, tuti quanti i pompieri

Se l’è amor vero, no te ferma nesuni,

te vai en para, te scali le montagne,

te traversi el lach anca senza le pine,

te moli la sposa, se te sei sposà.

Se l’è odio no te gai pu pàze

le man sempre seràe, come pugni

i oci rossi, la bava sula boca.

Se l’è voia de vendicarse po’

la va pèzo che nar de not

e averghe tuti i fari brusài.

Te pensi sol a quel, a quel

e no te vedi el buròn davanti.

Se l’è creder en qualcos pu grant

de tute le miserie su sta tera

magari te risci de farte tanti nemizi

sperando che la vaga meio

en quel mondo che dovria, i dìs,

essere pu bel e san. Ma dopo però,

quando chi ti no te ghe sarai pu.