RICETTE TRENTINE

SU WWW.TRENTINISSIMO.IT altre ricette e video che insegnano in dialetto trentino come realizzarle (sono sotto l’orsa daniza fino a stasera, poi il bottone si chiamerà Magnar trentin)

SAORI – LA PEVERADA CO LA LUGANEGA FRESCA TRENTINA

Ocio a no far confusiòm co la “pearà” de quei da Borghet en via, ensoma con quei che te dis “ci elo ci?”. Perché quela – veneta – l’è na salsa per i lessi. Bom, la peveràda trentina l’è ‘n magnàr poarèt (cioè el costa poc ma ‘l dà tanta sodisfazion quando se zàca). En pù, quando te la magni, te par davera de esser en quei veci fogolàri de na volta. Fòra fa frèt o magari fioca? Se ciava, co la peverada te te scaldi de sicur.
Cossa ve serve? Fente per doi. Se sé en quater basta far el dopi, se sé en sei basta tacarghe n’altra dose: oh, le savè le tabeline o no? Entant scominziè a preparar (semper per doi neh) mez litro de brodo lezèr, quel che se ghe dà ai malài per capirne.

Podè dropar el dado. Tegnive a ment però che na volta i dadi no i gh’era. E alora, se volè i veci saòri, dovè far come ‘sti ani: el brodo col polo o le verdure che trovè ne l’ort o anca al mercà dai). Tra l’alter el polo e le verdure podè anca magnarli dopo, no se buta via gnent …

Cossa ve serve ancora? Meza zigola de quele bionde (eh sì miga tute le zigole le gh’à i cavei precisi), en spich de ai, oio del nòs (Bas Sarca o Garda alt i pu boni), quatro pugneti de pan gratà, du pugnetini (no màssa…) de grana (padàn, trentin o parmigian, quel che ve piàs de pu), pever e na bela luganega fresca.
Adès oppelalà. Fate l brodo? Lassèlo lì ‘n banda. Entant feghe ciapàr color a la zigola e l’ai (no butarli zò entreghi, se sa, schizèi ben…)che buterè denter na parola dove le robe no le se taca zo. E dove avrè zà mes en par de cuciari de oio.

Quando ai e zigola i ghe somiglia ale panocie zalde, tirè via l’ai e butè denter el pan gratà. Stè ‘tenti che no se brusa tut…zò ogni tant en po’ de quel brodo che gavè ‘n banda. Misciàr, misciàr, no dovè encantarve a vardar la television…l’è semper le solite rbe che i dìs. Ocio enveze al brodo da meter se serve, misciar, misciar per almen dese minuti.
Deve vegnìr fora na specie de crema ma nò na minestrina. Scominziè adès a meter denter el pever: via che ‘l vaga. No massa, se no dopo ve ciapa foch anca la dentiera. Denter el formai grana. Misciar. Altro pever se no ve par asà. E dopo qualche minut pronti co la luganega. Che la và taiada zo prima a tochetini. Oscia el marì el s’ha fat en panèt co la luganega? Se no ghe n’avè altre s’è propri del gat.

Trovada n’altra luganega? Alora: gh’è de quei che ghe pias coser la luganega denter ensema ala “crema” che stè fasendo. Altri i la sbolenta prima, anca per tirarghe via el grass. Fè come la ve pias de pu. Tastè ogni tant per saver se manca qualcos (no ste dirme che è nà zò massa pever perché ve l’avevo dit de star su co le recie…). E dopo la peverada podè scominziar zà a magnarla.