QUEL TOCH DE ZEL

Te pensi: “Bisognerà
mandàrghe su na meil
per fitarlo ?
O basta na telefonada ?
E ghe starènte
tuti quanti
o finirà come ades
per le case Itea?
Domàm, sì domàm
per non saver
nè lezer nè scriver
vàgo dal paroco
ghe làsso na caparra
e me fago firmar
en biglietim …
E se gnanca el prete
gh’avès quele ciàvi?
Caro mio, alora
me sà che no te resta
che crèderghe su la parola
Entànt scominzia a far musina
a mèter via, dì dopo dì
qualcòs che faga dir
dal bon al portìèr:
“Sì, sì, sto chi el pol passar
l’è un de quei a posto
Che casa ghe dènte?
Quela là en font, la mezàna
no quela pu granda
perchè el podèva, dai
anca far qualcòs de pu”