QUEL CHE NO TE VEDI …
di Cornelio Galas
Oh, dele vòlte, l’è pròpri soto ‘l nàs,
denór a dove te sei sentà …
No t’el vedi perché te sei flinco,
o te gài ‘l persùt sui to òci.
Osc’ia, dai, no ghe se vòl la scala,
per arivarghe, per capir che …
Te gài lì, davanti, tut quant,
te gài lì, davanti, quel che conta.
E te me dìsi, ancora: “Ma ‘n dove …
‘n dove èlo che devo vardàr?”
E ‘n quel mentre, scàpa tut,
va via tute quele ròbe bèle.
No t’hai vist – t’el digo mì valà –
la to spòsa che la ridéva …
e che t’envidèva a far monàe,
a nar via da quela televisiòm.
No t’hai vist to fiol picolìm,
che ‘l spetéva sol en bàso,
no t’hai vist la zéna pronta,
coi mantìni tuti colorài.
No, no t’hai vist gnent, gnent,
gnanca al de fòr de la to cà,
gnanca el cagnòt en frégola,
gnanca quei che i t’ha regalà.
