QUEL NAR CHE NARE
di Cornelio Galas
Osc’ia se ‘l córe e che de nàre che ‘l va,
gnanca ‘l temp demò de vestirse …
ché anca lavarse ghe pàr sia ‘n pecà.
El par squasi na sdìnza scapàda dal fòch,
tut d’en fià, co la giacéta en man,
zò dale scale e ‘l ne salta anca ‘n tòch.
“Gò pressa, go pressa, làsseme nar”,
che sul copìm gh’è ancora el sugaman,
“Ciao, ne vedém, no no vegno al bar”.
El gà mistéri, tanti mistéri ‘n testa,
no i ghe stà tuti nel so zervèl,
ah se ‘l podés dropàr ‘na zésta.
El sóna, el fà dei vèrsi dassén bruti
a quei che guida davanti a lu:
“Dài, mòvete, che te fermi tuti.
Quando en ufìzi el ciapa telefonade
l’è semper ciapà e sule ùcie:
“No, no gò temp per ste monade”.
Coi ani anca lù però ‘l se scorzerà,
ma capita de solit quand l’è tardi
che n’altra ocasiom no la ‘riverà.
El vedrà, vecio bacuco, sentà zo
altri che core come ‘l féva lù
“Ma ‘n do coré, vardé demò ‘n sù”.
