QUEL CHE SA TUT

QUEL CHE SA TUT E ANCA DE PU’

di Cornelio Galas

Te scomìnzi a dirghe qualcòs, per esempi …
e zà lù el te stùpa la boca: “Mì envéze …”.
Te scólti, te scólti, te scólti, te scólti …
e apena lù par che ‘l riciàpa fià te dìsi …
ma te arìvi, se te sei brào, apéna apéna
a poche parole: “Sì, sì, va bem, però …”.
El fàto l’è che lù el parla per so cont,
come se no ghe fussa nesùni a scoltàrlo.
El fàto l’è che lù el sà tut, anca de pù.
E tì, envéze, oltre che gnorànte come tàco,
te sei anca un che no se vede, che no gh’è.
Ale tante, sto sapientóm, magari el tàse,
ma sol quando zamài te sei nà via.
Ma no l’è che ‘l la mòca lì per quel,
el sèita a parlar da sol, per so cont.
Po’ quando el capìs (forsi) che ‘n torno
no è restà propri nesuni a scoltarlo,
alora sàt cossa che ‘l dìs, da ‘ncazzà?
“Va bèm, va bèm, embezìli ère
e ‘mbezìli resterè, stupidi, gnoranti.
Ma cossa stago chì a perder temp,
che no val la pena, come ‘l diséva
quel che cantéva nele so canzòm …
darghe diamanti ai ruganti”.
Voi da lontàm el varderè,
qualchedùm farà segn col dè
da na banda dela testa.
Ma chi saràlo, ala fim, el pù mat?
Quel che ve la mónze cosìta
o voi che l’avé soportà …
fasèndo semper zito?