QUEI PENSERI SENZA SEMAI E SENZA PERO’

QUEI PENSERI SENZA SEMAI

E SENZA PERO’

Drìti, come frécie che sfrìsa l’aria,

i parte dal zervèl e i ‘rìva ala bòca,

che pòl restàr seràda, ma anca no.

No i gh’à lorèl, gnanca ramàde fine,

i và fòra così come i è vegnùi ‘n mént.

Zèrto che i pòl fàr màl, e tànt anca,

basta molàrli e lori i và, i và …

“Quel lì? Ah l’è màt, no ‘l stà bèn,

te savéssi quel che ‘l dìs ogni tant …”

“No sta scoltàrlo, làssa perder,

scólteme mi, che ‘l conosso ben”.

Po’ suzéde, dai che savè anca come,

che quel che te parèva sinzèr

l’era ‘nveze lù che sparléva de ti,

ma drio i cantoni, a le to spàle.

Ciàpa alora giudizi e critiche

da quei che te li bùta en fàcia,

senza sconder la man, la boca

e soratut quel che ‘l pensa de ti.

E tègni ‘l cul denor ai muri …

se t’encontri quel, che secondo lu,

no l’ha mai vist nessùni, nessùni neh,

pu bravo, pu bel, pu tùt de ti.