QUEI CHE FINIS SOTO AQUA

QUEI CHE FINIS SOTO AQUA

news_img1_65288_naufragio-immigrati
Zent che propri no ghe la fà pù,
còrer vers fili spinài, muri, soldài
coi sciòpi en bràz.
Zènt disperàda, che scapa da guere,
da quei che per pòch te tàia la gola.
Gh’è quei che dìs, che tra questi,
se sconde anca i teroristi.
Pol anca darsi, perché no?
Come fat a capirlo, demò, e subit?
Quei boci negài però, me sà …
no i gavéva bombe endòs.
Ah, se la ghe fussa succèssa a to neò.
No so che dir, no so che far,
no so gnanca pù cossa che l’è giust.
Ma dime ti, che te sei pù lezù,
dime ti se va ben ‘n mondo così.
Tra zent che scapa da strusiamenti,
dove basta poch per esser copài.
Tra zent che, se ciàva, se ciàva …
la va su ‘n barcòn, magari sbusà.
E noi? Se i varda, sti pori cristi,
negài, sfigài, ciapài en banda.
Ma basta nar a confessarse
e po’ far anca la comunion,
per sentirse a posto con tuti,
anca con quei che troverén de là?
Ma basta parlarne en television,
per risolver tuti ‘sti problemi?
I vèi da noi, pù de là che de quà.
Ma forsi l’era meio darghe la mancia,
quando èren a sciarm el sceìk,
per sentirne a posto, per aiutarli,
quando i ne portèva el spritz en spiàgia.

Questa voce è stata pubblicata in Senza categoria. Contrassegna il permalink.

Lascia un commento