PRIMI D’AUTUM
di Cornelio Galas
Me par destràni, manca qualcòs …
questo no l’è l’odór del móst,
e no gh’è nesùni, a péi scolzi,
che schìza le pìche nel brentóm.
Spùza de agricola, da tratori novi,
e polver da stràe de campagna,
adés zamài tute bele sfaltàe,
po’ tut finìs en scatole de fèr.
No te trovi pu (meio così, te dìsi)
en mèz le boàze dei bòi …
gh’è sol quele de cagni e cagnòti,
dopo che i l’ha portài a spàs.
No scàpa pù le gardéne e i tordi,
che i cazadóri lontàm i stà …
da case vegnue su come fonghi
tra vigne, stropère e ‘l vilàm.
Maióm e giachéta, la matina prest,
ma ‘l sol ‘l scalda ancora, osc’ia,
che méter? Propri no se ‘l sà,
dalbòm par sia ancora istà.
No vedo l’ora de zacàr maróni,
col vim nof o ‘n bom brulè,
“Dai che i costa e po’ i sgionfa,
se te vòi gh’è ‘n minestrom”.
