Pòlsete adés Vittorio …
di Cornelio Galas
Vittorio, pòlsete adés, pòlsete,
tóca ai zóveni nar envanti …
anca se forsi t’eri tì, propri tì,
el pù scalmanà en ‘sta Busa.
Pòlsete, no gh’è gnanca pù bisogn
de la carozèla ‘n do te sei finì,
te ninerà i ànzoi, quei che sa …
quei che sa da temp chi te séi.
El so che seiterài a vardar zó
soratut dal zél sora el Quisisana,
el so che tegnerài d’ocio tut,
e te darài pùgni ale nùgole.
Perché, a dirtela tuta, no so …
se quel che t’ai somenà qua zó
el buterà come te pensevi ti,
se sarém bòni de gosàr come ti.
