DAL PONTESEL

di Luciano Baroni

Ma se ghe sarà ancora

Aque e montagne,

e no’ capisso

perché no ‘l doverìa esser cossì,

se ogni stagion che torna

la se porterà drìo come na volta

l’aria e ‘l color

che te ‘mbriaga i oci

e te brusa i pensieri,

quela fiéta de lac embandierada

da festa granda,

lustra de sol da Torbole al Ponòl

da Tompesta ale sponde dela piana

e quela confusion gaiarda

de strapiombi e de zime

entorno ai posti ‘ndo che son cressù,

‘ste robe chi, e no i usi dela zent

I magnari le case o le vedrine,

ancòi me spiàs de no’ véderle pu.