PASQUA, SEMPER DE DOMENEGA …

ARIVA PASQUA, DE DOMENEGA ANCA ST’AM…

(alla moglie): “Vara, st’am che no vegna fora monae. A Pasqua nem per i fati nossi neh … “

(la moglie): Ma zamai gh’ò dit ai mei che …

“No voi gnanca sentir quel che te g’hai dit ai toi, digo sol che Nadal con i toi, Pasqua con chi te voi. Ciapèn su le nosse strazze e…chi s’ha vist s’ha vist…”

-Ma dai, che me papà gnanca ‘l te vede tut. Pori vecioti, da soli anca a Pasqua, te sei propri catif quando te voi neh …

“Mi catif? Ma se da quando sen sposai avrèn fat sì e no na Pasqua per nos cont … dai, dai valà. E non sen miga sposai da l’an pasà”

-Ma cossa te costa, dime. Vara che ala fin se va a magnar ensema neh, e ‘l pu dele volte i ha pagà i mei, se propri nem a vedèr el pel de l’of.

“No l’è quela so mare. L’è che dopo magnà i toi i mete zò le ancore. E no te i squassi pu. I stà chi a zena. E ala fin bisogna squasi pararli a so cà. Ma e po’, posibil che sta Pasqua la casca tuti i ani de domenega? Che na volta l’è marz, n’altra en april. Alta, bassa. Oscia però semper a roter le scatole de domenega. Come i toi, cramento …”

-Ma se me papà l’è cossì content quando el pol parlar con ti. Dai che anca ti te stai deventando n’ors neh, semper serà denter en casa, col to compiuter. L’è così che se ciapa l’alzaimer sat…a no parlar pu co la zent, a pensar sol ai fati soi…come feva to mama pora dona….

“Ma valà che no te sai gnanca quel che te te disi…”

-Alora che ghe diga ai mei per Pasqua?

“Cossa vot dirghe, tanto fe semper quel che volè ala fin …”

-Ma almen a Pasqua mòchela lì de begàr dai, l’è ‘n dì demò, en dì…che po’ a Pasqueta nem a balàr per nos cont al Fanum de Mori…

“E meno male che a Pasqueta no torna zò i toi a magnar i vanzaroti. Che se no al cagnòt poreto ‘sa ghe dente?”

(Pasqua, l’arrivo dei suoceri): Cornelio, và zò ti a averzerghe ai mei valà … che i è zà arivai e mi son ancora drio a lavarme…

(tra sé): Anca el magiordomo devo far en sta casa….

(ai suoceri…): “Ma che tant che no ve vedo … ve trovo ben, propri ben. Trovà coa vers Roveredo? Eh ma vedo che tut mal sé arivai prest, prima del soliti neh? Avanti, né su che ho zà preparà le bolizine per le Glorie …né su … che mi entant vago a torme i zigareti. Sì la Franca l’è zà a posto, pronta per nar fora … né su…che la ve spèta.

(poco dopo s’ode un grido): Cornelioooo, come l’è nà a torse i zigarèti…come…vara mama, no te sai cossa vol dir en sta casa co ‘n vecio pensionà semper pu permalos, serà denter, che no se fa con nesuni … e sto stronzo ‘l lo saveva che ero ancora en bagno … ah ma el vegnirà ben prest sul bacheton … papà…papààà, va a veder dove è nà que l’ensemenito fame ‘n piazer …

AUGURI A TUTI I AMIZI DE TELEVIGNOLE