NO SOM EN TOROBET …

di Cornelio Galas

Gò pensà sù e …

 

No, no, no sóm en torobét. Mai stà en torobèt. Um che cambia idea da la matina a la séra perché ghe convégn. Ho scrit che no avrìa pù pagà i soldi per star ne l’Ordine dei Giornalisti. Perché sti chì i vol farghe far i corsi de agiornamént anca ai pensionai come mi. Ho scrit anca che no avrìa pagà pù el sindacato dei giornalisti. E difàti, fìm adés, no ho pagà nè i soldi de l’Ordine, né quei del sindacato.

E alòra cossa è cambià? Qualche dì fà me arìva a cà na létera, con denter la tessera del sindacato giornalisti. No gh’è gnanca na firma. Parerìa che i l’avès mandàda da n’ufìzi, come na roba che se deve mandar. Tanto ai giornalisti pensionai se ghe tòl via el zero virgola trenta per zento per el sindacato dala pensiom.

Me domando: ‘cramento, èlo obligatorio? Magari domandar prima no? Vòt veder che ho fiormà na carta – senza saverlo – che m’empégola co la Fnsi fin quando mòro? Ensóma, adés me trovo en mam sta tessera del sindacato dei giornalisti. Bòm, grazie neh. Ma grazie al cazzo … chi èlo che m’ha rinovà la tessera? Chi èlo che ha deciso, al posto mio, che sòm ancora iscrito al sindacato dei giornalisti? E no l’è finìa chi …

Ho scrit che no avrìa mài pagà pù el bolìm de l’Ordine dei Gornalisti. Per quela storia dei corsi de agiornament. Bom. Me domando alora: perché devo pagar el zero virgola trenta per zent de la pensiom (mai dat l’autorizaziom per el 2017) per el sindacato dei giornalisti quando no voi pù – l’ho dit en mile maniere – esser iscrito a l’Ordine?

E ancora: diaolporco. Som iscrito (no so gnanca mì perchè) al sindacato dei giornalisti, ma se no fago i corsi de formaziom no podrìa far el giornalista …. se no risc’io “sanzioni disciplinari”. Ma, digo, metéve d’acordi. Me par che quando se trata de ciapàr soldi, da mì, som giornalista. Pò però vèi fòra le gabole ….

La fàgo corta. Narò en sti di chì a pagar el bolìm de l’Ordine dei Giornalisti a Trent. Po’ seiterò a scriver, su giornai, riviste, dove vòi. Anca senza ciapar soldi neh. E me denuncerò da per mi: oh, Ordine, no ho fat i corsi, scrivo dapertut. Dài, mandéme la multa … che dopo la mando al sindacato che en qualche maniera mantegno da quarant’ani. Va bèm cosìta?

Questa voce è stata pubblicata in Senza categoria. Contrassegna il permalink.

Lascia un commento