di Cornelio Galas

Vegnìvem da l’òbit del pòr Giàni
quel che fèva el calièr en zità
l’era frét, stròf, tut destràni
tuti ‘n bina, nesuni avrìa fiatà.

Sol na dòna è restà nel zimitèri
tacada ala vedova de quel més via
l’era bàssa, stròva, do òci neri
ma no deva l’idea d’eser na zia.

Me som fermà, per capir qualcos
ho vist che le dóe le ciaceréva
no se capiva gnent de quele vós
ma dai gesti amiche no le paréva.

Osc’ia, ho pensà, forsi n’amante
ma del Giani no l’avrìa mai dìt
zerto con quela come spasimante
ah credo bèm perché ‘l stéva zit.

Me som svizinà po’ a quele dòne,
per scoltàr meio ‘sa le diséva
no so, ma de colp, n’impresióm
che propri bèm no le se voleva.

“Mi no so gnent de quel che è stà
e ‘n sto moment voleria sol pàze
ne vedém forsi prima de l’istà
ades ghe n’ò zà piene le me àze”.

No ghé dubi, disevo per me cont
la vedova de quela no la vol saér
ma ‘sa gàla domanda quela ‘n font
que l’eredità che no la pol gavér?

“Varda che mi ho zà pagà tut quant
gò anca sta carta firmada dal Giani
o quela roba o pagar e l’è tant…
che mi no som na cameriera ai piani”.

Eco, pensevo, adés le vèi ale mam
perché le amanti le deventa cative
no serve per le lagrime el sugamam
ma te ariva en sàss nele zenzive.

“Basta, ades va via se no chi zigo
che no se pòl far così ai funerài
pù envanti farém i conti, t’el digo
l’è meio se adés te ghe dài ‘n tài”.

Ma l’altra envéze no la l’ha mocàda
de colp l’è deventàda en facia rossa
“Se no te me le dai fago na monada
vegno a to casa, buto tut ‘n la fossa”.

E dit quel, la s’è voltada de schena
scominziando a corer vers el paés…
la vedova drìo, che la féva anca péna
e mi drìo ale doe, zito come ‘n pés.

Po’ na volta arivai, vizìm al stradòm
una l’è saltada denter la so machina
l’altra che no saveva che far dalbom
la s’è sentada dala banda a mi vizina.

“La scusa neh, se no fago i fati méi
no volevo scoltar quel che ve diséve
la vegna al bar, che ne scaldém i péi
che i gela chi,e qualcos po’ se beve”.

La m’ha vardà, come se varda ‘l gnent
ma l’è vegnua e senza gnanca strusiàr
sem nai ‘n d’en bar: gnanca tanta zent
ala fim se podéva tra de noi parlar.

“No avrìa mai credù”, gò dit per prim
“che ‘l Giani gavés na sì bela dona,
zerto che adès co la vedova lì vizim
no l’è che se poda far na figura bona”.

“Ma ‘sa dìselo, cosa àlo capì lu adès?
el varda che mi no som … na putana
el Giani? I lo conoséva tuti en paés
ma mi vegno da na faméa che l’è sana”.

“Ma alora”, gò dit, “‘sa vòlela éla
dala dona che ha ‘péna pers so marì
ho sentì de soldi parlar cara me bèla
no la diga de no, no som zamai sgarì”.

De colp la me pareva deventada mata
en colp la rideva, n’altro enveze no
po’ da sentada en pé l’è come na gata
l’ha tacà a dirme’n de vàca e de bò.

“Forsi no ‘l se ricorda, ma ‘l Giani
calièr l’era e le scarpe el giustéva
anca mi névo da lù, d’an par de ani
quando qualcos de soto el se rovineva.

E alora, caro bel sior che tut capìs
mi dei tachi avevo portà lì a giustar
sol che l’è mort e ades, come se dìs
nè fodràda o embastìa me toca restar.

Che domam se sposa me fiol, quel grant
altro che nar drio a vedove e eredità
e quele scarpe pagàe le me sbrusa tant
e lu l’empara: l’è semper  una sola verità