No, mi no volerìa morìr
Stago così bem da vif
Anca co le me rogne
No, mi no volerìa morir
Dìme pitòst
Che finìss tut chi
Su sto mondo
No stà òorme en giro
Su quel che podrìa
Esserghe dopo
No, mi no volerìa morir
No vedèr pu la zent
Che ghe voi bem
No veder pu sto lach
Ste campagne
Ste montagne entorno
Che le cambia
De color, ogni stagiòm
No, mi no volerìa morir
Anca ti, quel che te sei
Dio, Budda, Manitu
Allà, i dei indiani
O quei che ‘n Africa
Ghè dapertùt
Anca ti, che par
Te comandi tut
El digo a ti:
Cossa m’hat mès al mondo
A far
Se sul pu bel
Te me tiri via tut?
Perché de là
Ghè robe pu bele?
Ma alora valerìa
La pena
Morir apena nati
Prima de veder
Quele che ghè chi
No, mi no volerìa morir
Propri quando
Me par d’aver capì tut
De ‘sto mondo
Saria na fregàda
Come conosser na putèla
Volèrghe bem
E po doverla saludàr
Così, de colpo
Senza savèr perché
Saria come vinzer 
En sac de soldi
E vederli nar a fònt
Co ‘ na barca sbusàda
Mai lassàr la stràa giusta
Per quela che no se sa
Diseva i me noni
E alora lassème su sta stràa
Deventerò vecio bacùco
Ma ghe volerò
Semper pu bem
A ‘sta vita, entant che respiro
Po’ vot copàrme ti
Che te m’hai creà?
Fa pùr, ma falo almèm
Entànt che dormo
