L’ULTIMA CAREZA

di Cornelio Galas

‘Sa penserò en quel moment, a la fìn,
quando gavrò en bóca l’ ultim fià?
‘Sa vedrò, con quei òci fiàchi,
quando ghe sarà pòch da vedér?
No l’è, come se dìs, per tràrse ‘nvanti,
e gnanca la scusa per na poesia.
Dìgo sol che basterìa ‘na carèza,
de na màn, en mèz ai mé cavéi …
e ‘n quél, giuro, tegnirò le lagrime,
farò finta de gnent, de gnent …
Strinzerò quela man, come podrò,
dirò che gò sòn, sòn, tant sòn …
E po’ narò via da ‘sto mondo,
per nar en dove no se sa.
Dove tutmàl spero, sì ghe spero,
sarà pù fàzile, anca da morti,
viver senza tut ‘sto strussiàr.